Teri haakim se agar yaari hai
Jaan lay(Samajh lay, soch lay) sher ki sawari hay
Surkhiyan zard nazar aati hain
badgumaanon ki ye beemaari hay
Besamar tan ke khade hain ashjaar
baasamar hi main inkisaari hai
Usko har qowm kahegi apnaa
hilm hai jismain burdubaari hay
Neki dushman se! kathin hai, lekin
eik isi kaam main sardaari hai
Talkh Sadiq ki sadaaqat hay magar
uski talkhi main hi bedaari hay
No comments:
Post a Comment